മലപ്പട്ടം: മലപ്പട്ടം ഗ്രാമപഞ്ചായത്തിലെ അടിച്ചേരി പ്രദേശത്ത് കഴിഞ്ഞ ദിവസം വീശിയടിച്ച ചുഴലിക്കാറ്റിൽ വൻ നാശനഷ്ടം. പത്തോളം വീടുകൾക്ക് കേടുപാടുകൾ സംഭവിക്കുകയും വ്യാപകമായി കൃഷി നശിക്കുകയും ചെയ്ത പ്രദേശം നിയുക്ത എം.എൽ.എ ടി.കെ. ഗോവിന്ദൻ മാസ്റ്റർ സന്ദർശിച്ചു.
കഴിഞ്ഞ ദിവസമുണ്ടായ കാറ്റിൽ പ്രദേശത്ത് 150-ലധികം റബർ മരങ്ങളും ജാതി മരങ്ങളുമാണ് കടപുഴകി വീണത്. ഇതിനുപുറമെ ഒരു ഏക്കറോളം വരുന്ന കൃഷിയിടത്തിലെ കപ്പ, വാഴ എന്നിവയും പൂർണ്ണമായി നശിച്ചു.
കനത്ത നാശനഷ്ടമുണ്ടായ സ്ഥലങ്ങൾ നേരിൽ കണ്ട നിയുക്ത എം.എൽ.എ കർഷകർക്കും വീട്ടുകാർക്കും ആശ്വാസം പകർന്നു.
