ആലക്കോട്: മണക്കടവ് കരിങ്കയം പുഴയിൽ കുളിക്കാനിറങ്ങിയ വയോധികൻ മുങ്ങിമരിച്ചു. ആലക്കോട് വായിക്കമ്പ സ്വദേശി കറകപ്പള്ളി വിജയൻ (71) ആണ് മരിച്ചത്. ഇന്ന് വൈകുന്നേരം മൂന്ന് മണിയോടെയായിരുന്നു ഈ സംഭവം.
പുഴയിൽ കുളിക്കുന്നതിനിടെ ഇദ്ദേഹം അപ്രതീക്ഷിതമായി അപകടത്തിൽപ്പെടുകയായിരുന്നു. നാട്ടുകാർ വിവരമറിയിച്ചതിനെ തുടർന്ന് തളിപ്പറമ്പിൽ നിന്നെത്തിയ ഫയർഫോഴ്സ് സംഘമാണ് തിരച്ചിൽ നടത്തി മൃതദേഹം പുഴയിൽ നിന്നും പുറത്തെടുത്തത്. പോലീസ് നടപടികൾക്ക് ശേഷം മൃതദേഹം പരിയാരം ഗവ. മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി.
